თბილისში მეზობელმა მეზობელი მოკლა
2-07-2025, 21:33
153
თბილისში მეზობელმა მეზობელი მოკლა - "პირველების" ინფორმაციით, სისხლიანი ანგარიშსწორება დღეს, რამდენიმე საათის წინ ისანში მოხდა.
როგორც "ტვ პირველს" ადგილობრივები ეუბნებიან, მკვლელობას წინ მეზობლებს შორის შელაპარაკება უძღოდა.
"პარკინგის გამო დაიწყო ჩხუბი და ბოლოს ასე ტრაგიკულად დასრულდა", - ეუბნება "პირველებს" ადგილობრივი.
ადგილზე ამ წუთებშიც პოლიციაა მობილიზებული და საგამოძიებო მოქმედებები მიმდინარეობს. დანაშაულის ადგილი პოლიციას ყვითელი ლენტებით აქვს შემოსაზღვრული.
